Presyuhan ng langis pinababantayan ni Sen. Koko Pimental sa DOE
Ayon kay Pimentel, ang dapat din tutukan ay ang mga bansa na pinagkukunan ng suplay ng langis ng Pilipinas sa katuwiran na sa patuloy na pagsirit ng presyo ng krudo ay maaring mapektuhan ang ating ekonomiya.
Dagdag pa ng namumuno sa Senate Committee on Foreign Relations dapat ngayon pa lang ay naghahanap na ang DOE ng ibang maaring mapag-angkatan ng langis dahil sa kaganapan sa Gitnang Silangan.
Diin ng senador mas makakabuti ng advance mag-isip para maayos na makapaghanda.
Aniya maaring mag-import ng langis ang Pilipinas sa Russia at sa ganitong paraan ay mapapagtibay pa ang relasyon ng dalawang bansa.
Nagsimulang umangat ang presyo ng langis nang mapatay sa US drone attack sa Baghdad International Airport si Iranian Qasem Soleimani.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.