Restaurant na nagkaroon ng ‘gas leak’ sa Makati ipinasara
Pansamantalang ipinasara ang restaurant sa Makati City na nagkaroon ng pagsabog noong Huwebes (Jan. 2) ng gabi dahil sa gas leak.
Isinilbi ng Makati police at mga tauhan ng Business Permit Office ng Makati City Hall ang closure order sa Judianchuanba Restaurant sa Barangay San Antonio.
Ito ay dahil sa paglabag ng restaurant sa Section 4A.01 ng Revised Makati Revenue Code City Ordinance No. 2004-A-025 na nagtatakda ng guidelines sa mga establisyimento sa lungsod.
Ayon kay Makati police chief Col. Rogelio Simon, natuklasan ng Makati Business Permit and Licensing Office na walang business permit ang restaurant.
Noong Huwebes ng gabi ay nagkaroon ng pagsabog sa restaurant dahil sa gas leak kung saan apat na Chinese Nationals ang nasaktan.
Kabilang sa sugatan at ginagamot sa Makati Medical Center ay ang cook ng restraurant na si Cao Yue Qzang, at mga staff na sina Zhang Liang, Tang Ting, at Yun Long Liu.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.