Nananatili sa evacuation center ang 150 mga pamilya na nasunugan sa Quezon City sa pagsalubong ng Bagong Taon.
Sa covered court ginugol ng mga pamilyang nasunugan ang unang araw ng taong 2020.
Sila ay pawang biktima ng sunog na naganap sa Barangay Vasra.
Pinagkalooban naman ng Disaster Risk Reduction and Management Office ng Quezon City at Social Services Department ng kani-kaniyang tent ang bawat pamilyang nananatili sa covered court.
Ayon naman sa Quezon City Public Affairs and Information Services Department, may itinalagang mga mobile shower trucks mula sa Bureau of Fire Protection at Manila Water para maayos na makapaligo ang mga apektadong residente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.