15 na ang patay sa winter storm sa Estados Unidos
Umakyat na sa labinglima (15) ang bilang ng mga nasawi dahil sa pananalasa ng winter storm sa walong estado sa Amerika.
Kinumpirma ni New York Mayor Bill de Blasio na tatlo ang namatay habang nililinis ang mga niyebe na nagkalat sa kalsada at anim naman ang namatay sa road accident sa North Carolina.
Napaulat din ang dalawa katao na nasawi sa Virginia at dalawa rin sa Kentucky habang tig-isa naman sa Maryland at Arkansas.
Nagpaalala si De Blasio sa publiko na huwag munang lumabas ng bahay upang makaiwas sa ano mang panganib na posibleng idulot ng snow storm.
Kahapon, nagsimulang manalasa ang tinaguriang ”Snowzilla” at halos matabunan ng niyebe ang ilang lugar sa Estados Unidos partikular na sa Washington at New York.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.