1 patay, 10 sugatan sa aksidente sa Benguet
Patay ang isang guro habang sugatan naman ang 10 iba pa nang mawalan ng kontrol ang isang elf truck at bumaliktad sa bayan ng Kibungan sa Benguet.
Sakay ng truck ang delegasyon ng Palina Elementary School patungo sa Scout Jamboree sa Bakun, Benguet nang mangyari ang insidente umaga ng Huwebes.
Nasawi ang guro na si Julieta Danio, 55 taong gulang habang nasugatan naman ang walong elementary students na sina Kenneth Eslao, 12-anyos; Jayther Eslao, 11-anyos; Penny Binbinen, 13-anyos; Jorvin Acosta, 13-anyos; Clifford Bolislis, 13-anyos; Justin Sacpa, 9-anyos at si Ruel Martin, 10 taong gulang.
Kasama rin sa nasugatan ang principal ng paaralan na si Daniel Pascaden, 56-anyos at isa pang guro na si Dominga Liwayan.
Dinala lahat ng mga nasugatan sa Benguet General Hospital para bigyang lunas, habang sumuko naman sa mga pulis ang driver ng truck.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.