Arestado ang dalawang itinuturing na high value targets sa ikinasang buy-bust operation sa Cebu City, Biyernes ng hapon.
Ayon sa Philippine Drug Enforcement Agency Regional Office=Central Visayas (PDEA RO-7), isinagawa ang operasyon sa bahagi ng P. Burgos Street corner Quezon Boulecard sa Barangay Sto. Niño bandang 10:30 ng gabi.
Nahuli ang mga suspek na sina Jhon Louis Daan, 26-anyos, at Jack Despi Branzuela, 31-anyos, kapwa residente ng Talisay City, Cebu.
Nakuha sa dalawa ang dalawang pack ng hinihinalang shabu na may bigat na mahigit-kumulang 100 gramo. Nagkakahalaga ang ilegal na droga ng P680,000.
Maliban dito, narekober din sa dalawa ang isang cell phone, brown envelope, isang pahayagan at ginamit na buy-bust money.
Mahaharap sina Daan at Branzuela sa kasong paglabag sa Sectins 5 at 6 ng Article 2 ng Republic Act 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.