May nanalo sa $1.5 billion na jackpot prize sa Powerball
May nanalo na sa $1.5 billion na halaga ng jackpot sa Powerball sa US.
Ayon sa tagapagsalita ng California lottery na si Alex Travesta, lumitaw sa kanilang database na ang winning Powerball ticket ay ibinenta sa isang store sa suburban Los Angeles.
Sinabi ni Travesta na ang jackpot-winning ticket ay binili sa 7-Eleven sa Chino Hills, na nasa 25 miles ng northeast Anaheim.
Hindi pa tukoy ang pagkakakilanlan ng nanalo.
Posible umanong abutin ng ilang oras bago matukoy ng mga otoridad kung maliban sa nasabing winning ticket na binili sa Chino Hills ay mayroon pang ibang winning tickets.
Ang jackpot prize na $1.5 billion ang pinakamalaki sa kasaysayan ng Powerball.
Ang tsansang manalo ay nasa ‘1 in 292.2 million’.
Sa isinagawang draw, ang winning number combination a y 4-8-19-27-34 at Powerball 10.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.