Isang public school teacher na dinukot noong September 27 ang nailigtas ng militar araw ng Miyerkules.
Ayon kay Western Mindanao Command spokesperson Maj. Arvin Encinas, pinakawalan na ng mga dumukot ang guro na si Rose Singua, 58 anyos.
Na-rescue si Singua ng mga tropa ng gobyerno sa isang hotel room sa Jolo, Sulu.
Nagbayad ang kapatid na babae ng biktima ng P200,000 bilang bahagi ng entrapment operation ng militar at pulis.
Si Singua na nakatira sa Zamboanga City ay papunta sana sa isang kasal sa Dipolog noong September 27 nang dukutin siya at dalhin sa Jolo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.