Malakas na lindol naitala sa Makilala, North Cotabato
(UPDATE) Niyanig ng magnitude 4.9 na lindol ang lalawigan ng North Cotabato.
Ayon sa Phivolcs, naitala ang pagyanig sa 16 kilometers Southwest ng bayan ng Makilala, alas-9:55 umaga ng Biyernes (October 11).
May lalim na 4 kilometers at tectonic ang origin ng pagyanig.
Naitala ang intensity 4 sa Makilala, North Cotabato; Kidapawan City; Pikit, South Cotabato at Sta. Cruz, Davao Del Sur, intensity 3 sa Koronadal City; Davao City at Pres. Roxas, Cotabato at intensity 2 sa Kalilangan, Kadingilan at Damulog, Bukidnon; General Santos City; Tupi, Polomolok at Tampakan, South Cotabato at sa Esperanza, Sultan
Kudarat
Naitala rin ang instrumental intensity 5 sa Kidapawan City, intensity 3 sa Tupi, South Cotabato, intensity 2 sa Alabel, Sarangani; Davao City at intensity 1 sa Kiamba, Sarangani at General Santos City
Wala namang naitalang pagkasira sa mga ari-arian at inaasahan ang aftershocks dahil sa malakas na pagyanig.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.