2 umano’y rebelde, nasawi sa engkwentro sa Negros Occidental
Nasawi ang dalawang hinihinalang miyembro ng New People’s Army (NPA) sa sumiklab na engkwentro sa Himamaylan, Negros Occidental Linggo ng umaga.
Nagkaengkwentro ang tropa ng pamahalaan at hindi bababa sa 15 miyembro ng NPA sa 31st Division Reconnaissance Company ng 62nd Infantry Battalion sa bahagi ng Sitio Bugo sa Barangay Buenavista.
Tumagal ng 30 minuto ang bakbakan matapos madiskubre ang presenya ng rebeldeng grupo sa lugar.
Narekober sa pinangyarihan ng bakbakan ang 45 bala para sa M16 rifle, tig-iisang backpack, hammock, medical kit, gamot, dalawang NPA sweatshirts, dalawang pares ng bota, apat na pares ng rubber shoes, isang tsinelas at pitaka.
Wala namang nadamay sa panig ng militar.
Patuloy naman ang ikinasang operasyon ng militar para mahuli ang mga nakatakas na rebelde.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.