LPA magdadala ng mga pag-ulan sa Cagayan Valley, CAR at Aurora

By Rhommel Balasbas October 05, 2019 - 05:38 AM

Patuloy na binabantayan ng PAGASA ang isang low pressure area (LPA) na nasa loob ng Philippine Area of Responsibility (PAR).

Ayon sa 4am update ni PAGASA weather specialist Meno Mendoza, huling namataan ang sama ng panahon sa layong 455 kilometro Silangan ng Aurora.

Hindi inaasahang magiging bagyo ang LPA at kapag tumama na sa kalupaan ay tuluyan na itong matutunaw.

Dahil sa nasabing LPA, maulap na karanasan na may kalat-kalat na pag-ulan, pagkulog at pagkidlat ang mararanasan sa Cagayan Valley, Cordillera Administrative Region at lalawigan ng Aurora.

Sa Metro Manila at nalalabing bahagi ng bansa ay maalisangang panahon pa rin ang mararanasan na may posibilidad ng mga panandaliang buhos ng ulan dulot ng localized thunderstorms.

Walang nakataas na gale warning sa mga baybaying dagat ng bansa kaya’t ligtas na makakapalaot ang mga mangingisda.

TAGS: localized thunderstorms, low pressure area (LPA), Pagasa, Philippine Area of Responsibility (PAR), localized thunderstorms, low pressure area (LPA), Pagasa, Philippine Area of Responsibility (PAR)

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.