Tinaguring ‘drug queen’ sa Maynila, posibleng diversionary tactic sa isyu sa ‘ninja cops’ – Sen. Gordon
Sen .Richard Gordon at the Senate probe into Dengvaxia, the dengue vaccine procured and used for an immunization program during the Aquino administration.
INQUIRER PHOTO/LYN RILLON
Naniniwala si Senador Richard Gordon na posibleng ginagamit bilang ‘diversionary tactic’ ang paglutang ng tinaguriang “drug queen” sa Maynila mula sa isyu ng mga ‘ninja cop.’
Ayon sa senador, nakapagtataka kung bakit biglang lumitaw ang mga akusasyon laban sa sinasabing “drug queen” sa Maynila na si Guia Gomez Castro.
Aniya, posible ring ito ang ginagamit para maalis ang posibleng witness laban sa mga police senior official.
Iginiit ni Gordon na maaaring maramng nalalaman si Castro laban sa mga police senior official.
Maliban dito, kinuwestyon din ng senador ang timing ng paglalabas ng impormasyon ukol kay Castro matapos isiwalat ni dating PNP-Criminal Investigation and Detection Group director Benjamin Magalong sa “agaw bato” scheme.
Samantala, sinabi ni Gordon na sinusubukan niyang mag-imbita ng isang aktibong pulis na maaaring makatulong sa pagsuporta ng mga inilabas na impormasyon ni Magalong sa executive session sa Senado noong September 19.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.