2 magkasunod na lindol naitala sa Surigao del Norte
Nakapagtala ng dalawang magkasunod na lindol ang Phivolcs ngayong umaga sa lalawigan ng Surigao del Norte.
Unang naitala ang magnitude 4 na lindol alas 4:31 ng umaga sa 10 kilometers north east ng bayan ng San Isidro.
May lalim na 20 kilometers ang lindol at wala namang naitalang intensity.
Sunod na nairecord ng Phivolcs ang magnitude 5.1 na lindol sa Burgos, Surigao del Sur alas 4:36 ng umaga.
Naitala ang lindol sa 24 kilometers north east ng bayan ng Burgos at may lalim na 19 kilometers.
Limang oras makalipas ang pagyanig sa bayan ng Burgos, naglabas ang Phivolcs ng updated information at itinaas ang magnitude sa 5.2 mula sa 5.1
Ayon sa Phivolcs, naitala ang Intensity 3 sa Burgos,Surigao del Norte, Intensity 2 sa Surigao City at Intensity 1 sa Mainit, Surigao del Norte.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.