Titanic at Jurassic World, naungusan na ng “Star Wars: The Force Awakens” sa box office
Nakapagtala ng bagong record sa New Year’s box office history ang pelikulang “Star Wars: The Force Awakens”.
Ito ay matapos malampasan ng nasabing pelikula ang domestic grosses “Jurassic World” na $652.3 million at “Titanic” na $658.7 million.
Sa loob ng labingsiyam na araw na showing ng Star Wars: The Force Awakens, umabot na sa $740.3 million ang kinita nito at itinuturing na ngayong second-highest earner of all time.
Nananatiling ang pelikulang “Avatar” ang may hawak ng pinakamalaking lifetime domestic gross na $760.5 million.
Pero posible umanong maungusan din ito ng “Star Wars” sa mga susunod na araw.
Ang pelikulang “Avatar” kasi ay nakapagtala ng $700 million na kita sa loob ng 72 days na showing habang ang nasabing halaga ay nakuha ng Star Wars sa loob lamang ng 16 days showing.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.