Faeldon hindi oobligahin ng Malacanang na bumaba sa pwesto
Ipinauubaya na ng Malacanang kay Bureau of Corrections chief Nicanor Faeldon ang pagpapasya kung papatulan ang payo ni Senador Manny Pacquiao na maghain na muna ng leave of absence sa trabaho.
Pahayag ito ng palasyo sa gitna ng pagkakadawit sa kontrobersiya ni Faeldon dahil sa muntikan nang paglaya ni convicted rapist at murderer at dating Calauan, Laguna Mayor Antonio Sanchez.
Ayon kay Presidential Spokesman Salvador Panelo, sa ngayon wala pang utos si Pangulong Rodrigo Duterte na sibakin sa puwesto si Faeldon.
“That’s for the … I think, that’s for the Chief Faeldon to decide”, dagdag pa ng kalihim.
Bahala na aniya si Faeldon na mag-desisyon kung liliban muna sa kanyang trabaho.
Hangga’t wala aniyang sinasabi ang pangulo, nangangahulugan ito na buo pa ang tiwala at kumpiyansa ng punong ehekutibo kay Faeldon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.