LPA sa Catanduanes ganap ng Bagyong Ineng
Ganap ng naging Bagyong Ineng ang low pressure area (LPA) sa Silangan ng Virac, Catanduanes.
Sa Pagasa Severe Weather Bulletin No. 1 na inilabas alas 11:00 Martes ng gabi, huling namataan ang Bagyong Ineng 930 kilometers East ng Virac, Catanduanes.
Taglay nito ang lakas ng hangin na 55 kilometers per hour at bugsong 70 kilometers per hour.
Tinatahak nito ang direksyong west northwest sa bilis na 15 kilometers per hour.
Ayon sa Pagasa, maliit ang tsansa na mag-landfall ang bagyo sa anumang bahagi ng bansa.
Pero posible itong lumakas at maging Tropical Storm sa loob ng 24 oras.
Gayunman, walang inaasahang direktang epekto ang bagyo partikular sa Metro Manila.
Asahan sa Miyerkules ang kalat-kalat na mahina hanggang katamtamang lakas na pag-ulan sa Bicol Region at Eastern Visayas.
Miyerkules ng gabi ay inaasahang nasa Baler, Aurora ang Bagyong Ineng, sa Tuguegarao City, Cagayan sa Huwebes ng gabi at Basco, Batanes sa Biyernes hanggang Linggo.
Sa Linggo ng gabi inaasahang lalabas ang bagyo ng Philippine Area of Responsibility (PAR).
Wala namang nakataas na anumang tropical cyclone wind signal.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.