Paniningil sa mga vendor sa ‘Luzon Market’ nadiskubre ni QC Mayor Joy Belmonte
Nadiskubre ni Quezon City Mayor Joy Belmonte ang paniningil umano ng renta sa ilang vendor sa ‘Luzon Market’ sa lungsod.
Sa kaniyang pag-iikot sa mga palengke sa mga barangay ay natuklasan ni Belmonte ang ilegal na palengke sa Luzon.
Nang kausapin ng alkalde ang mga vendor, nagsumbong ang mga ito sa kaniya na sila ay nagbabayad ng P80 hanggang P150 at ang iba ay hanggang P200 kada araw sa isang priabadong kumpanya para sa renta.
Dahil dito, aalamin ni Belmonte kung sino ang nasa likod ng paniningil sa mga vendor.
“Gusto kong makita kung sino ang naniningil sa inyo. Ayaw kong pinagsasamantalahan kayo,” ani Belmonte.
Ipinatawag na rin ni Belmonte ang may-ari ng kumpanya para sa isang pulong sa City Hall.
Ani Belmonte kailangang mapatunayan ng kumpanya ang legalidad ng ginagawa nilang paniningil.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.