$300-M loan ng Pilipinas, inaprubahan na ng World Bank
Naaprubahan na ng World Bank ang $300-M loan ng Pilipinas bilang pandagdag pondo sa ‘Pantawid Pamilyang Pilipino Program’ o ‘4Ps’.
Ang nasabing loan ay gagamitin sa loob ng dalawang taon para makatulong sa pagpapaunlad sa mahihirap na pamilya sa ating bansa.
Sa ngayon ay mayroong taunang budget ang 4Ps na nagkakahalagang $1.7 billion.
Samantala, ang karagdagang pondo naman na magmumula sa World Bank ay sasagutin ang siyam na porsyento sa pondong nakalaan hanggang June 2022.
Sa ngayon ay nakikinabang na sa ‘Pantawid Pamilyang Pilipino Program’ ang 4.2 milyong pamilya kabilang na ang 8.7 milyon na mga kabataan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.