2 sugatan matapos maatrasan ng trak ang barangay hall sa Batangas
Nasugatan ang dalawang barangay tanog matapos maatrasan ng trak sa Lipa, Batangas Miyerkules ng umaga.
Ayon sa Lipa City police, nakaparada ang trak sa tapat ng barangay hall ng Barangay Antipolo Del Norte nang biglang tanggalin ng pahinante ang harang sa gulong dahilan para mabangga ang barangay hall.
Magpapahinga lamang sana ang drayber ng trak bago tumuloy ng biyahe patungong Cabuyao, Laguna.
Dahil sa aksidente, nahulog ang dalang lupa ng trak sa dalawang barangay tanod sa lugar.
Inako naman ng may-ari ng trak ang pagpapagamot sa mga nasugatan at pagpapaayos sa barangay hall. / Angellic Jordan
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.