2 tulak ng droga, arestado sa buy-bust operation sa Legazpi City, Albay
Timbog ang dalawang hinihinalang drug pusher sa ikinasang buy-bust operation sa Legazpi City, Albay Miyerkules ng umaga.
Ayon kay Christian Frivaldo, acting director ng Philippine Drug Enforcement Agency (PDEA) sa Bicol, inaresto ang suspek na si Agnes Ingles at live-in partner na si Ruben Mirabel sa bahagi ng Barangay Dinagaan bandang 5:15 ng umaga.
Ani Frivaldo, sina Ingles at Mirabel ay ikinukunsidera bilang ‘high-value targets’ ng PDEA.
Nakuha sa mga suspek ang 11 maliliit na pakete na naglalaman ng hinihinalang shabu.
Nagkakahalaga ang mga kontrabando ng P68,000. / Angellic Jordan
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.