Timbog ang apat katao sa isinagawang buy-bust operation ng Jose Abad Santos Police sa Tondo, Maynila alas-11:00 ng gabi ng Martes.
Ayon kay Pol. Capt. Val Valencia, target ng operasyon ang suspek na si Yolanda Rivera.
Arestado rin ang mga kasamahan ni Rivera na sina Hector Reyes, Erlinda Natividad, at Nikko Panganiban.
Nakuha mula sa mga suspek ang walong small at dalawang medium plastic sachets ng shabu na tinatayang nagkakahalaga ng P13,000.
Dadalhin sa Manila Police District (MPD) Crime Laboratory ang nakuhang mga droga para isailalim sa eksaminasyon.
Nasa custodial facility na ng Jose Abad Santos Police Station ang mga suspek at inihahanda na ang mga kasong isasampa laban sa mga ito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.