Natupok ang nasa 100 bahay sa sunog na sumiklab sa Marketsite District, Barangay Mangagoy sa Bislig Surigao del Sur.
Naitala ang sunog dakong 11:26 Linggo (June 24) ng umaga sa bahay ng pamilya Alngog na nasa Purok 4.
Mabilis na kumalat ang apoy sa mga katabing bahay na pawang gawa sa light materials at pinalala pa ng malakas na hangin.
Pahirapan din ang pag-apula ng apoy dahil sa makitid na daan kaya nahirapan ang mga bumbero na pasukin ang lugar.
Umabot ang sunog sa kalapit na Purok 5 sa Caramcam District.
Bandang alas 2:30 ng hapon ng ganap na maapula ang apoy.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.