Motorcycle rider patay matapos mabiktima ng hit-and-run sa Tayabas City
Nasawi ang isang motorcycle rider matapos ma-hit-and-run ng isang sasakyan sa kahabaan ng Maharlika Highway sa Tayabas City, Biyernes ng madaling araw (June 21).
Base sa imbestigasyon ng Tayabas police, nagmamaneho ng kanyang motorsiklo ang biktimang nakilala sa pangalang Benjie Abdon, 36 taong gulang nang siya ay mabangga mula sa likod ng hindi pa nalalamang uri ng sasakyan sa Barangay Calumpang alas-12:45 ng madaling araw.
Dead on the spot ang biktima matapos tumilapon sa kanyang motorsiklo at nasagasaan pa ng sasakyan ng suspek na agad tumakas matapos ang insidente.
Nasagasaan naman ng isang truck ang motorsiklo ng biktima.
Patuloy ang imbestigasyon ng mga otoridad sa insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.