4 kabilang ang 2 menor de edad arestado dahil sa droga sa Caloocan; P800K ng pera nakumpiska
Ayon kay Caloocan Police chief Pol. Col. Noel Flores, unang nahuli sa Oplan Galugad ang isang 13-anyos na binatilyo at nakuhaan ito ng 35 gramo ng shabu.
Itinuro ng binatilyo ang kanyang pinagkukunan ng shabu na nagresulta sa pagkakaaresto sa tatlong iba pang suspek kabilang ang isa ring 17-anyos na binata.
Ayon sa 13-anyos na binatilyo, inuutusan siya ng tatlo na maging taga-abot ng ibinebentang mga droga.
Ang dalawang kasama ng 17-anyos na binata ay nakilalang sina Solaiman Mulituba at Abulkhir Marimba.
Nagturo rin ang tatlo sa pinagkukunan nila ng shabu ngunit nang puntahan ng pulis sa bahay ang itinurong suspek ay nakatakas ito.
Bago makatakas ang hindi pa nakikilalang suspek, may hinagis ito sa bubong ng bahay.
Siniyasat ito ng mga pulis at tumambad ang P800,000 cash.
Samantala, isang pulis ang nabaril sa paa ng tumakas na drug suspek at narekober ang isang kalibre .38 na baril.
Mahaharap ang mga nahuling suspek sa kasong paglabag sa Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.