Mga Chinese na sangkot sa Recto Bank incident dapat magbayad at maparusahan – Rep. Biazon

Nanindigan si House Committee on National Defense and Security Senior Vice Chair Ruffy Biazon na kailangang managot ang mga tripulante ng barko ng China na bumangga sa bangkang pangisda ng nga Pinoy sa Recto Bank.

Ayon kay Biazon, isang seryosong maritime incident ang nangyari na nangangailangan ng pagpapanagot sa mga may sala.

Dapat aniyang malaman kung magkano ang pinsala na idinulog nito at pagbayarin ang mga Chinese na sangkot bukod pa sa parusa na dapat ipataw.

Kaugnay nito, iginiit ng mambabatas na sa kabila ng mga kasalukuyang international agreements kailangang bumuo ng kasunduan ang Pilipinas at China may kaugnayan sa protocol sa paglalayag.

Kasama anya rito ang pagsagip sa mga distressed na mga mandaragat, reporting at imbestigasyon sa mga maritime incident at pagpapanagot sa mga lalabag.

TAGS: House Committee on National Defense and Security, Recto Bank, rep biazon, House Committee on National Defense and Security, Recto Bank, rep biazon