Duterte walang pang napipiling kandidato para sa House Speakership
Umaapela si Pangulong Rodrigo Duterte sa kanyang mga kapartido na bigyan siya ng mas mahabang panahon para sa pagpili ng kanyang susuportahang kandidato sa pagka-House Speaker sa 18th Congress.
Ayon kay Senador-elect Bong Go, humihiling ang pangulo ng hanggang June 28 para ianunsyo ang kanyang manok.
Kagabi lamang, nagkaroon ng dinner sa Malacañang si Pangulong Duterte kasama ang mga incoming congressmen.
Kabilang sa mga dumalo ang kanyang anak na si incoming Davao City Congressman Paolo Duterte at Marinduque Congressman Lord Alan Velasco.
Bukod kay Velasco, kasama rin sa pinagpipilian ng PDP laban sina Pampanga 3rd District Rep. Aurelio “Dong” Gonzales at Davao del Norte 1st District Rep. Pantaleon Alvarez.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.