Ilang bahagi ng Metro Manila, Cavite makararanas ng water service interruption mula June 11 hanggang 12
Makararanas ng water service interruption ang malaking bahagi ng Metro Manila at ilang parte ng Cavite mula June 11 hanggang 12.
Ayon kay Grace Laxa, tagapagsalita ng Maynilad Water Services Inc., mawawalan ng tubig ang siyam na lugar sa Metro Manila habang lima naman sa Cavite.
Narito ang mga apektadong lugar:
Sa Metro Manila:
– Caloocan
– Las Piñas
– Makati
– Malabon
– Manila
– Muntinlupa
– Navotas
– Parañaque
– Quezon City
Sa Cavite naman:
– Bacoor
– Cavite City
– Imus
– Noveleta
– Rosario
Paliwanag ng Maynilad, ito ay bunsod ng isasagawang maintenance work para ikabit ang rapid mixer sa kanilang treatment plant sa La Mesa.
Dahil dito, pinayuhan ang mga customer ng Maynilad na magsimula nang mag-ipon ng tubig para mayroong makonsumo sa nasabing petsa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.