Niyanig ng tatlong magkakahiwalay na lindol ang Sarangani, Davao Occidental Linggo ng hapon (June 9).
Sa datos ng Phivolcs, unang naitala ang magnitude 3.2 na lindol dakong 1:42 ng hapon.
Makalipas ang higit 20 minuto, muling niyanig ang nasabing lugar ng kaparehong lakas ng lindol.
Kapwa may lalim ang lindol na 1 kilometer at tectonic ang origin.
Samantala, tumama ang ikatlong lindol na may lakas na magnitude 3.6 sa Sarangani bandang 2:47 ng hapon.
May lalim ang lindol na 6 kilometers at tectonic din ang origin.
Gayunman, sinabi ng Phivolcs na walang napaulat na pinsala sa mga ari-arian sa lugar.
Wala ring inaasahang aftershocks matapos ang pagyanig.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.