Barko na nagkakarga ng mga basura ng Canada nagsimula nang maglayag
Nagsimula nang maglayag ang barko lulan ang mga basura ng Canada.
Matapos ang 10-oras na proseso ng pagkakarga, sinabi ni SBMA deputy administrator for port operations Rani Cruz na natapos ang loading ng 69 na containers na naglalaman ng basura sa MV Bavaria alas 3:20 ng madaling araw ng Biyernes, May 31.
Natagalan ang pag-alis ng barko dahil hindi ito ekslusibo para lang sa containers na naglalaman ng basura.
Mayroon pa aniya itong iba pang kargang shipping containers na nasa 127 ang bilang dahilan para mabago ang oras ng pag-alis ng barko.
Pasado alas 7:00 ng umaga nang magsimulang maglayag ang barko pabalik ng Canada.
May stopover muna sa Kaohsiung, Taiwan ang barko dahil mayroon pa itong kukuhaning kargamento doon.
Inaasahang darating sa Port of Vancouver sa Canada ang nasabing mga container na may lamang basura sa June 22.
Ayon sa Local Canadian Press, sa sandaling dumating sa Canada, ang mga basura ay susunungin sa kanilang waste-to-energy facility sa Burnaby.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.