5 arestado sa magkahiwalay na operasyon sa Quezon City
Arestado ang mag-live in partner at tatlong iba pa sa magkahiwalay na operasyon kontra ilegal na droga sa Brgy. Bagong Silangan sa Quezon City.
Unang tinungo ng mga operatiba ng QCPD ang bahay ng mag-live in partner kung saan positibong nakabili ang poseur buyer ng P300 na halaga ng ilegal na droga.
Nabatid na ang lalaki ay isang driver at isinasama nito sa pagbiyahe ang kaniyang misis.
Habang naghahanap-buhay bilang driver ay suma-sideline bilang supplier ng ilegal na droga ang lalaki.
Nakuha sa kanila ang anim na sachet na hinihinalang shabu at apat na mga bala.
Samantala, sa parehong barangay, naaresto ang tatlong iba pang drug suspects sa hiwalay na operasyon.
Nakuhanan ang tatlo ng 11 sachet ng hinihinalang shabu.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.