Drug suspect patay sa buy-bust sa Bulacan
Patay ang isang suspek makaraang mauwi sa engkwentro ang buy-bust operation sa Brgy. Muzon sa San Jose Del Monte sa Bulacan.
Kinilala ni Police Lt. Col. Orlando Castil Jr., ang suspek na si Edwin Domingo, 42 anyos.
Ikinasa ang operasyon ala 1:00 ng madaling araw ng Martes, May 21 kung saan nakabili ng P500 halaga ng hinihinalang shabu ang isang poseur buyer.
Gayunman, nang aarestuhin na ang suspek ay bumunot ito ng baril at pinaputukan ang mga pulis.
Gumanti ng putok ang mga pulis na nagresulta sa pagkasawi ng suspek.
Nakuha sa pinangyarihan ng engkwentro ang isang kalibre 38 na baril at isang motorsiklo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.