LOOK: Honeylet Avanceña, hinamon ang mga nagpakalat na nasa ospital si Pangulong Duterte
Hinamon ni Honeylet Avanceña ang mga nagpapakalat ng balita isinugod sa ospital si Pangulong Rodrigo Duterte na isa-isahing suyurin ang lahat ng kwarto sa Cardinal Santos Medical Center sa San Juan City.
Ito ay para mapatunayang wala sa ospital si Pangulong Duterte.
Kasabay nito, namahagi ng larawan si dating Special Assistant to the President (SAP) Christopher “Bong” Go na magkasama sila ngayong araw ng Linggo, May 19, ni Pangulong Duterte sa Bahay Pangarap sa Malakanyang.
Sa naturang litrato, makikitang hawak ni Pangulong Duterte ang pinakabagong issue ng isang pahayagan ngayong araw.
Bukod sa mga dyaryo, makikita sa lamesa ang isang pinggan ng prutas na may kasamang juice at isang baso ng tubig.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.