Nasawi sa pamamaril ang isang lalaki sa Lozanes St. Brgy. Central Bicutan, Taguig City, gabi ng Huwebes.
Ayon sa impormasyon mula sa Taguig Police, kinilala ang biktima na si Henrick Besana, 18 anyos, residente ng lugar.
Lumalabas sa inisyal na imbestigasyon na naglalakad lamang ang biktima nang lumapit ang isang armadong lalaki at siya ay pinagbabaril.
Dead-on-the-spot si Besana at agad na tumakas ang suspek.
Ayon sa pagtatanong ng pulisya sa baranggay, sangkot umano sa kalakalan ng iligal na droga at pagnanakaw ng motorsiklo ang biktima.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.