Human Rights groups tutulong bilang watchdog sa halalan
Nagsanib puwersa ang ibat-ibang mga grupo ngayong araw na ito bilang paggunita sa International Human Rights Day para ilunsad ang kampanya na magbabantay sa panahon ng eleksyon.
kasama sa mga grupong nakiisa sa kampanyang Bantay-Karapatan sa Halalan ay ang mga sumusunod: Legal Networking for Truthful Elections o Lente, Freedom for Media Alternatives, Philippine Alliance of Human Rights Advocates, CBCP-National Secretariat for Social Action, National Citizen’s Movement for Free Elections o Namfrel, Ateneo Human Rights Center, Philippine Center for Islam Democracy at Association of Schools of Public Administration in the Philippines.
Tampok sa pagtitipon ang paghahayag ng unity statement kung saan nangako sila na mamatyagan ang panahon ng eleksyon partikular na ang mga posibleng pag-abuso sa karapatang pantao na maaring danasin ng mga botante.
Ang kampanya ay inilunsad katuwang din ang Commission on Human Rights (CHR).
Tinukoy din sa pagtitipon na bagamat nabawasan ang insidente ng karahasan sa ilalim ng automated elections, maituturing pa rin na paglabag sa karapatang pantao ang kabiguan ng ilang teknikal na aspeto ng botohan gaya ng problema sa transmission.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.