15 nasugatan sa aksidente sa Cavite
Aabot sa 15 katao ang nasugatan sa karambola ng mga sasakyan na naganap sa bayan ng Carmona sa lalawigan ng Cavite.
Nasa pitong sasakyan ang sangkot sa karambola.
Ayon kay Carmona police chief Maj. Rommel Carcellar, base sa kanilang inisyal na imbestigasyon, isang 6-wheeler na truck ang umararo sa iba pang mga sasakyan.
Posible umanong nawalan ng preno ang truck kaya binangga ang iba pang sasakyan.
Nangyari ang aksidente sa checkpoint at sa tapat ng police community precinct sa Carmona.
Isang police mobile pa ng Carmona police ang nadamay sa aksidente.
Dinala sa mga pagamutan ang mga nasugatan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.