NWRB: Magtipid ng tubig; Angat Dam malapit na sa critical level

Hinimok ng National Water Resources Board (NWRB) ang publiko na magtipid ng tubig dahil posibleng bumagsak ng mas mababa sa operating level ang supply ng tubig sa Angat Dam ngayong weekend.

Ayon sa NWRB, malapit na ang Angat Dam sa critical level o minimum operating level na 180 meters above the sea.

Hanggang alas 6:00 Biyernes ng gabi, nasa 180.73-meter mark ang lebel ng tubig ng dam.

Apela ng ahensya sa mga mamamayan, makipag-tulungan sa pagtitipid ng tubig dahil hanggang katapusan pa ng taon ang epekto ng mahinang El Niño.

Nakamonitor naman ang otoridad sa water level ng Angat dam at ilan sa nakitang hakbang ang cloud-seeding at paggamit ng mga deep well sa gitna ng pagbagsak ng water supply.

Ang Angat Dam ang pinagkukunan ng 96 percent ng water supply ng buong Metro Manila.

TAGS: 180 meters above the sea, 180.73-meter mark, Angat Dam, critical level, El Niño, magtipid ng tubig, minimum operating level, NWRB, water level, Water supply, 180 meters above the sea, 180.73-meter mark, Angat Dam, critical level, El Niño, magtipid ng tubig, minimum operating level, NWRB, water level, Water supply