1 patay 2 arestado sa buy bust operation sa Cavite
Isa ang nasawi habang dalawa ang naaresto sa isinagawang buy bust operation ng mga pulis sa Brgy. Molino 3, Bacoor City, Cavite ala-1:00 ng madaling araw ng Huwebes.
Sa impormasyon ng Bacoor Police, nakilala ang mga naarestong sina Alladin Salik at Aladin Salic.
Si Salik ay kilalang notoryus na tulak ng droga sa buong Bacoor at kabilang sa watchlist ng pulisya.
Samantala, ang nasawi ay kinilalang si Mama Pagetoden na nakahalatang pulis ang kanilang mga katransaksyon kaya’t sinubukan nitong tumakas at pinaputukan ang mga awtoridad.
Gumanti ng putok ang mga pulis na agad na ikinasawi ng suspek.
Narekober sa crime scene ang tinatayang 250 gramo ng shabu na nagkakahalaga ng P1.7 milyon, buy bust money na P200,000, kalibre .38 na revolver at isang unit ng Honda CRV.
Ang operasyon ng pulisya ay bunga ng sumbong ng isang residente sa lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.