Poe, hindi natinag sa pangunguna ni Duterte sa survey
Hindi nasindak si Senador Grace Poe sa panibagong survey ng Social Weather Station kung saan naungusan na siya ni Davao City Mayor Rodrigo Duterte.
Ayon kay Poe, iginagalang niya ang resulta ng SWS survey. Paliwanag ng senadora, gagamitin nya itong gabay para magpaliwanag sa taumbayan.
Aminado si Poe na posibleng nakaapekto sa SWS ang decision ng Commission on Elections Second Division kung saan idineklara siyang disqualified sa eleksyon.
Naghain na aniya sila ng motion for reconsideration sa Comelec at umaasa syang titingnan ng mga miyembro ng komisyon ang kanilang mga iprinisintang ebidensya.
Iginiit ni Poe na nakatugon sya sa hinihinging residency requirements ng Saligang Batas para kumandidatong pangulo at isa siyang tunay na Pilipino.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.