Mga bus maagang idineploy sa MRT-3 stations ngayong unang araw ng maintenance shutdown ng mga tren
Dahil sa pagtigil ng operasyon ng MRT-3 simula ngayong araw, Lunes Santo, Apr. 15, maagang inumpisahan ang deployment ng mga bus na maaring masakyan ng mga pasahero ng tren.
Sa North Avenue Station sa EDSA, alas 5:00 pa lamang ng umaga ay may mga bus nang na-abang ng mga pasahero.
Ang nasabing mga bus ay hihinto sa bawat istasyon ng tren ng MRT-3 para magsakay at magbaba ng pasahero.
Ayon sa Department of Transportation (DOTr), pagsapit ng alas 7:00 ng umaga ay umabot na sa 60 bus ang naideploy sa MRT-3 North Avenue Station.
Bibiyahe ang mga bus hanggang alas 9:00 ng gabi mula ngayong araw hanggang sa Linggo ng Pagkabuhay.
Pero walang biyahe ang mga bus sa Huwebes Santo at sa Biyernes Santo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.