Ian Veneracion makakasama sa serye ng show sa Canada si Patti Austin
Makakasama ng actor/singer na si Ian Veneracion sa serye ng show sa Canada ang R&B singer na si Patti Austin.
At hindi lang basta guest sa nasabing show si Veneracion kundi magkasama silang magpe-perform sa stage ni Austin.
Limang magkakasunod ang show na may titulong “Soul and Heart Tour” ang gaganapin sa Canada at magsisimula ito sa April 26.
Kabilang sa pagdarausan ng concert ang Vancouver, Victoria BC, Winnipeg, Edmonton, at Calgary.
Ibinahagi ni Ian sa kaniyang Instagram ang
promo video para sa nasabing show kung saan inilarawan siya bilang “Philippine heartthrob”.
Ang American Grammy award-winning singer na si Austin, ay tanyag sa kaniyang R&B, pop, at jazz songs, kabilang na ang “How Do You Keep the Music Playing,” “Baby Come to Me,” “All Behind Us Now,” at “Through the Test of Time.”
Kabilang naman sa mga inirekord na singles ni Ian ang “We’re All Alone,” “I’ll Miss You The Most,” at “Ain’t No Sunshine”.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.