Dalawang warehouse nasunog sa Mandaue City
Tinupok ng apoy ang dalawang warehouse sa Baragay Opao sa Mandaue City sa Cebu.
Nagsimula ang sunog alas 7:00 ng umaga ng Martes, December 1.
Ang natupok na warehouses ay pag-aari ng pamilya ni Board Member Thadeo Ouano sa nasabing barangay.
Maliban mga warehouse, nadamay din sa sunog ang tatlong opisina sa loob ng Ouano compound, partikular ang office space na inuupahan ng Pizza Pedricos commisionary na nagsu-suplay ng pizza sa ilang lugar sa Visayas at Mindanao.
Ayon kay fire investigator Cifriano Codilla, mabilis na nakaresponde ang mga bumbero mula sa mga kalapit na lungsod sa Cebu at sa bayan ng Consolacion kaya hindi na kumalat pa ang apoy.
Nagdulot naman ng matinding pagsisikip sa daloy ng trapiko sa old Mandaue Mactan bridge ang nasabing sunog.
Inaalam pa kung ano ang pinagmulan ng apoy.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.