SP Tito Sotto hindi na interesadong makipag-usap sa Kamara kaugnay sa national budget

By Jan Escosio March 20, 2019 - 07:56 AM

Mistulang isinara na ni Senate President Vicente Sotto III ang pinto sa pamunuan ng Mababang Kapulungan para muling magkaroon ng pag-uusap hinggil sa nabibitin P3.75 trillion 2019 national budget.

Ayon kay Sotto, hinihintay na lang nila ang pinal na desisyon ng Kamara at sila naman aniya sa Senado ay matagal ng nagdesisyon at ito ay hindi tanggapin ang kinalikot pang pambansang pondo para ngayon taon.

Noong nakaraang linggo, nagpatawag si Pangulong Duterte ng pulong sa Malakanyang para maayos ang isyu ukol sa pambansang pondo ngunit wala rin nangyari.

Hindi rin nangyari ang sinabi ni San Juan Rep. Ronaldo Zamora kay Sen. Ping Lacson na handa silang bawiin sa Kamara ang ‘enrolled bill’ ukol sa ‘itemized 2019 national budget.’

Ibinahagi pa ni Sotto na patuloy silang nakakatanggap ng reklamo mula sa ilang miyembro ng Kamara kaugnay sa pagkalikot pa ng kanilang budget.

TAGS: House of Representatives, national budget, Radyo Inquirer, Senate, Vicente Sotto III, House of Representatives, national budget, Radyo Inquirer, Senate, Vicente Sotto III

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.