3 bagahe na may mga pambasabog ipinadala sa 3 transport hubs sa London
Nagsasagawa na ng imbestigasyon ang police service ng Ireland at kanilang counterpart sa Britain para matukoy ang pinagmulan ng tatlong bagahe na may maliliit na pampasabog.
Ang tatlo ay natuklasan sa magkakahiwalay na transport hubs sa Lundon.
Ang mga package na nakasilid sa A4 postal bags ay dumating sa Heathrow at London City airports at sa Waterloo rail station.
Sa pahayag ng Metropolitan Police, malinaw na magkaka-ugnay lamang ang tatlong insidente.
Kaugnay nito, ipinag-utos na ni London Mayor Sadiq Khan ang imbestigasyon para malaman ang motibo dito.
Pinasalamatan din ni Khan ang mga pulis sa mabilis na aksyon at pagkakatuklas sa mga bagahe.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.