James Yap, isinalba ang Rain or Shine kontra sa dating team na Magnolia
Sa malaking bahagi ng kanyang basketball career, ilang panalo na ang ibinigay ni James Yap sa Purefoods franchise bago ito na-trade sa ibang team noong 2016.
Sa ngayon ay tila pinarusahan ni Yap ang dati nitong koponan.
Ang three-point play ni Yap ang dahilan ng ga-hiblang panalo ng Rain or Shine laban sa Magnolia sa PBA Philippine Cup sa score na 75-74.
Dahil sa kanyang tira ay napeke ni Yap ang 3 players ng Hotshots sa natitirang 3.2 segundo ng laro.
Ayon kay Painters head coach Caloy Garcia, alam nila na gusto ni Yap na manalo kontra Magnolia kaya titira ito sa huling bahagi ng laban manalo man o matalo.
Naitala ni Yap ang game-high 18 points at five rebounds habang nagdagdag sina Maverick Ahanmisi ng 13 points at pitong rebounds at Norbert Torres ng 11 points.
Samantala, si Ian Sangalang ang nanguna sa Hotshots sa ginawa nitong 16 points at 18 rebounds.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.