Supplier ng ecstasy sa Cebu City, arestado
Timbog ang isang lalaki na supplier at nagbebenta ng ecstasy sa Brgy. Capitol Site, Cebu City.
Nagkasa ng operasyon ang PDEA-Central Visayas at Police Regional Office 7 laban sa suspek na si Elvin Joseph Laput, isang call center agent.
Ayon kay PDEA-7 Regional Director Wardley Getalla, nakuha mula kay Laput ang 15 piraso ng ecstasy tablets bukod pa sa tablets na nabili ng poseur buyer sa halagang P1,500.
Aabot sa P25,000 ang halaga ng ecstasy tablets na nakuha mula sa suspek.
Napag-alamang nag-iikot sa mga bars sa Cebu City si Laput para ibenta ang kanyang party drug na karamihan nang bumibili ay mga kabataan
Giit ng suspek, napilitan lang siyang magdala ng ecstasy dahil sa kakapusan sa pera at iginiit na babayaran siya ng isang alyas ‘Matoy’ ng P4,000 kapalit ng pagdadala nito.
Nasa kustodiya ng PDEA-7 office ang suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.