NAIA runway pansamantalang isinara dahil sa pagkabalahaw ng eroplano ng PAL
Pansamantalang isinara ang runway sa Ninoy Aquino International Airport dahil sa isang nabalahaw na eroplano ng Philippine Airlines (PAL).
Sa isang text message sa INQUIRER.net, sinabi ni PAL corporate communications manager Cielo Villaluna na ang flight PR353 ng PAL na biyaheng Macau-Manila ay lumapag sa NAIA Runway eksaktong alas-6:38 ng gabi.
Gayunman, habang binabaybay nito ang isang rapid exit taxiway, isa sa mga gulong nito ay tumama sa isang hindi pantay na bahagi ng taxiway.
Ayon kay NAIA public relations assistant Michelle Arcega, ang pagkakaharang ng eroplano ay nagdulot ng pansamantalang pagsasara ng runway 13-31 bandang alas-6:40 ng gabi.
Naantala ang mga sumusunod na flights dahil sa runway closure:
• PG 624 Bangkok-Manila
• PR 182 Davao- Manila
• 5J 654 Tacloban-Manila
• 5J 648 Puerta Princesa-Manila
• 5J 330 Legazpi-Manila
Anim na commercial flights ang inilipat sa Clark airport.
Samantala, ligtas ang 8 crew members at 142 na pasahero ng eroplano.
Alas-7:20 ng gabi ay binuksan nang muli ang runway matapos matanggal ang eroplano sa canal area.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.