Karamihan sa namatay sa twin blasts sa Jolo, regular mass goers – Apostolic administrator
Inihayag ni Jolo Apostolic Administrator Fr. Romeo Saniel, OMI, na karamihan sa mga nasawi sa pagsabog sa Jolo Cathedral ay kanilang regular Sunday mass goers.
Sa kanyang official statement, sinabi ni Fr. Saniel na kabilang sa mga nasawi ay ang kanilang dating Parish Pastoral Council (PPC) president at ilan sa mga malalapit na kaibigan.
Ipinahayag ng pari ang paghanga sa mga nasawi dahil namatay ang mga ito para sa kanilang pananampalatayang Kristiyano.
Nanawagan si Saniel ng panalangin para sa mga biktima ng pagsabog.
Wala anyang kahit anong salita ang makapagsasalarawan sa hinagpis na nararamdaman ng buong komunidad sa ngayon.
Si Saniel at si Jolo Bishop Lito Lampon ay nasa Maynila para dumalo sa 118th CBCP Plenary Assembly.
Nakatakdang lumipad ngayong umaga pa-Jolo si Saniel sakay ng military plane kasama ang grupo ni Defense Sec. Delfin Lorenzana.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.