DFA: Walang nawalang data mula sa mga passport holder
Sinabi ng Department of Foreign Affairs (DFA) na nasa kustodiya at kontrol na ng ahensya ang lahat ng passport data.
Ayon sa DFA, hindi na-share o naibahagi o na-access ng sinumang hindi otorisadong partido ang lahat ng data sa passport.
Sa isang statement ay tiniyak ng DFA sa National Privacy Commission (NPC) na sineseryoso nila ang proteksyon ng mga personal na impormasyon ng publiko at safe ang lahat ng passport data.
Una rito ay nagpulong ang mga opisyal ng DFA sa NPC officials nang pumutok ang balita ukol sa umanoy data breach.
Sinabi naman ng DFA na walang naganap na data breach sa pasaporte at hindi lang agad na-access ang server mula sa dating kontratista.
Nagpahayag din ang DFA ng kahandaan na makipag-tulungan sa anumang imbestigasyon na ginagawa ukol sa isyu ng passport data.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.