MILF Chairman Al Hajj Murad Ebrahim nakaboto na para sa BOL ratification
Nakaboto na para sa ratipikasyon ng Bangsamoro Organic Law si Moro Islamic Liberation Front Chairman Al Hajj Murad Ebrahim.
Ito ang unang pagkakataon na nakalahok sa democratic process si Murad mula nang sumapi siya sa MILF noong dekada 60.
Bumoto si Murad sa polling precinct sa Barangay Simuay Crossing sa Sultan Kudarat na malapit lamang sa kanilang headquarters at mayroong 3,900 na rehistradong botante.
Kabilang si Murad sa nasa 2 milyong katao sa Cotabato City, Isabela City, Basilan at ARMM na boboto para sa unang araw ng plebisito.
Sa February 6 mulang magkakaroon ng botohan sa bahagi naman ng Lanao Del Norte at ilang bahagi ng North Cotabato.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.