Bukod sa kapatutupad pa lamang na bigtime oil price hike ay tumaas din ang presyo ng liquified petroleum gas (LPG).
Dahil sa mataas na buwis sa langis ay nagpatupad ng taas-presyo ang ilang brands ng LPG.
Umabot sa P1.12 ang dagdag sa kada kilo o P12 sa kada 11-kilogram cylinder ng LPG ang ipinatupad ng Fiesta, Petron at Solane.
Habang bukas, Huwebes ay magpapatupad din ng kaparehong taas-presyo ang Regasco.
Ayon kay LPGMA partylist Rep. Arnel Ty, ang dagdag-presyo ay dahil sa ubos na ang mga lumang suplay at kailangan nang ipatupad ng importers ang dagdag-buwis.
Sinabi naman ng Department of Energy na wala silang natanggap na abiso tungkol sa ipinatutupad na dagdag-presyo.
Samantala, sinabi ni TY na dahil sa pagtaas sa presyo sa world market ay asahan nang may dagdag-presyo pang magaganap sa LPG sa Pebrero.
Posible anyang umabot sa P1 hanggang P2 ang itataas sa presyo o P11 hanggang P22 sa kada 11-kilogram cylinder. (END/RVB)
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.